فى تصريح غريب من نوعه ويدل على عدم اليقظه والدقه ويدل أيضا على الأستخفاف بعقليه الأقباط أدلى السيد المستشار عدلى حسين محافظ القليوبيه برأيه الخاص فى مسأله بناء الكنائس وقد نقلت جريده الدستور بعضا من حديثه وعنونتها بهذا العنوان :
يقول المستشار عدلى حسين :
عدلي حسين: بناء الكنائس بقرار جمهوري شرف لها ولو تركناه للمحافظين "ابقى قابلني" .. محافظ القليوبية: إصدار قانون موحد لدور العبارة ليس سهلاً بسبب ثقافة المسلمين السائدة و«بعدين نبنيها طبقًا لمواصفات من البابا شنودة ولا َّ ماكس ميشيل»
وطبعا الكلام ده لما يصدر من راجل مثقف ومتعلم بدرجه مستشار وكمان مسئول بدرجه محافظ يبقى لازم يتحط عليه أكتر من خط وما يمرش مرور الكرام ,
أولا: بيقول إن بناء الكنائس لما يكون بتصريح من رئيس الجمهوريه يبقى ده شرف كبير وهنا نحط خط ولما هوه شرف كبير يا معالى محافظ القليوبيه مش كان أولى الشرف ده يبقى ليكم برضه ولا هو بس كلام للتغطيه على الخيبه القويه ,
ثانيا : حضرتك بتقول لو ترك هذا الشرف للمحافظين يبقى : إبقى قابلنى !!
وهنا نقابلك ليه ياسعاده المستشار هو المحافظين دول مش زمايلك برضه ولا لسان حالك بيتكلم عن نفسك برضه ,
معاليك كده بتدين نفسك لأن المحافظ له سلطه رئيس الجمهوريه فى محافظته والشرف يبقى للمحافظ لو صرح ببناء كنيسه مش للكنيسه لو صرح لها المحافظ بالبناء ,
مش كده ولا أيه
الشرف للمحافظ يا سعاده المحافظ لأن الكنيسه شرفها عالى ومش مستنيه قرار علشان يزيد شرفها وياريت لما تتكلم تكون عارف أنت بتقول أيه ومتنساش نفسك !!
ثالثا : بتقول إن إصدار قانون لدور العباده الموحد ليس سهلا نتيجه ثقافه المسلمين السائده !!
وهنا معاليك بتدين نفسك وبتدين حكومتك وجهازها الأعلامى !!
هى ثقافه المسلمين السائده حسب قولك دى بسبب مين ؟؟!!
مش بسبب إعلامك الطائفى ومناهج التعليم الطائفيه اللى وضعت من قبل سياسيين أمثال حضرتك !!
ولأمتى المسيحيين هيدفعو ثمن تعصبكم ونشركم للطائفيه ,
وليه حضراتكو ما تغيروش الثقافه السائده ديه وتفهمو الناس الحقيقه الخافيه عنهم وهى أن أقباط مصر جزء لايتجزء من شعب مصر بل وهم اصل مصر وشعبها الأصيل إذا لزم التوضيح ,
وللأسف كنا دايما نقول أن بعض الكاذبين اللذين أعتادو على الكذب ومن كثره ترديد أكاذيبهم يصدقونها ويقتنعون بها ومع مرور الوقت تصبح فى عقليتهم حقيقه لاجدال عليها !!
كما إن تلك التصريحات من أمثال معاليك هى التى تدفع السذج من أفراد الشعب للثوره على بناء الكناس إستقواء بكلام معاليك وأمثالك ,
فالحقيقه إن حكايه الثقافه السائده دى تعبير مختلق خلقتموه كسياسيين ودعمتموه , وتريدوننا تصديقه , وللأسف لايمكننا تصديقه ,
عارف ليه معاليك ؟؟
لإن الحكومه بتمرر القوانين اللى هى عايزاها وفى الوقت اللى هى عايزاه ورغم أنف الكل ,
ولو الحكومه عايزه الشعب الصبح يقول كوكو واوا هيقول كوكو واوا !!
فهمت الواوا يامعالى المحافظ ولا حضرتك فاهم بس بتستغبانا !!
رابعا :حضرتك بتقول نبنيها بمواصفات البابا ولا بمواصفات ماكس ميشيل !!
وهنا حضرتك وقعت فى مطب كبير وغلطه كبيره وخرجت عن نطاق الحوار المحترم إلى ثقافه التريقه وتجريح الآخر وتلك سقطه شنيعه لا أعتقد أن مصريا سيغفرها لك للأسباب الأتيه :
ألا تعلم معاليك أن البابا شنوده هو بابا مصر والأسكندريه واثيوبيا وسائر دول المشرق كما انه بابا اقباط المهجر ويتوج بلقب بابا العرب ,
يبدو أن معاليك لا تقرأ جرائد كثيرا ,
ولى أن أسألك عمن هو ماكس ميشيل ,
إن ماكس ميشيل نكره بالنسبه لأقباط مصر ويلتف حوله بعض من الخارجين عن الكنيسه الشرعيه الكنيسه الأم ولا يلقى اى تأييد من شعب الكنيسه المؤمن ,
بل وأقول لك الأكثر ممن لن يقوله لك احد آخر :
إن ماكس ميشيل صناعه حكوميه بحته ونعلم من صنعه ولماذا ؟؟!!
فماكس ميشيل مثله مثل أعداء الكنيسه الطبيعيين من هراطقه ومدعين وقد لاقى تأييد بعض السياسيين على أمل منهم أن يهز وجوده قداسه البابا المعظم البابا شنوده الثالث ولكن هيهات :
ويا جبل ما يهزك ريح
كنت أتمنى ان أسمع كلاما أكثر واقعيه من قبيل معالى المستشار عدلى حسين ولكن للأسف يبدو انه ينتهج نهج الثقافه السائده , وأعتقد انه إذا استمرت الحكومه فى تعيين أمثال المستشار عدلى حسين ذوى الثقافه السائده فى المناصب القياديه فى هذا البلد يبقى فعلا : إبقى قابلنى .
د / وجيه رؤوف
سؤال للمحافظ, لما بتبنوا جامع, بتمشوا على مواصفات الأزهر ولا الاخوان ولا الوهابيين؟؟؟
ردحذفولاد وسخه
ردحذفاسعد شاكر
انا اتفق فى الرأى مع الاستاذ كمال ، المحافظ ده شجاع وهو صاحب التصريحات المثيره وده لانه مش بيكدب ، وكل اللى قاله صحيح ميه فى الميه ، اغلب المحافظين بيكونوا مديرى امن سابقين ، يعنى داخليه ، يعنى امن دوله ، وهما دول اللى اساسا بيرفضوا بناء الكنائس لاسباب امنيه ، لكن الصراحه هو انه لا المحافظ بيدى تصاريح ولا الريس ، الاتنين انيل من بعض
ردحذف