جلست وعقلى مثقل بالهموم افكر بالبشر والحياه ومايفعلون
يولد الأطفال أبرياء وهم بالفطره عن الشر بعيدون
فيأتيهم رجال الدين وهم من قبل رجال السلطه محميون
فيسقونهم شراب الكراهيه الذين هم منه سكيرون
فيشب الغلام يافعا ولكن الشر فى قلبه مكنون
يقاوم فطره ولد عليها ان الناس للسلم يجنحون
ولكن هيهات فى زمن يزين الجنه للقتله ليستمتعون
فهناك الحوريات هم بها طيله الوقت يمرحون
ولمن له فى الهوى مآرب فهناك الغلمان المخلدون
وانهار من خمر ومن عسل إن ارادوا هم منها شاربون
فيقف الغلام مفكرا انهم فى الغرب بالعلم مقيدون
ونحن هنا نملك الدين وبالدين نحن للجنه مالكون
وما القتل وما السرقه الا طريق للجنه لمن يرغبون
ولكنى رأيت أمرا يحير العقول ويصيبها بالجنون
فهناك ابرياء فى السجون وقتله فى باحه القصر ينعمون
فيارب العباد اهذا حكمك أم هؤلاء عن رضاءك خارجون
فيارب العباد اظهر ضياءك لكى يرى هؤلاء ويبصرون
فنحن نعلم أن عدلك عن رحمتك لا يفترقون
فانشر عدلك وانعم برحمتك واطلق هؤلاء محررون
كلمات فى حب مصر
(نصره مصر )
طول عمرى عايش يا مصر فى خيرك
لا فى يوم سبتك ولا رحت لغيرك
عايش مستور وشاكر ربنا , كتر خيرك
ولوكنت مهموم كفايه نظره على نيلك
يعدى اليوم, تعدى السنه دفيان بشمسك
ولو فى يوم ضلمت, هاستنى فى يوم فجرك
عصور الظلم يا مصر يا مادارت فى ديارك
فرس ومغول وتتار وعمر العدو ما هزمك
وكل ملك ظالم حكم ,قتل شبابك, نهبك
كانوا فاكرينها نهايتك لكنها كانت بدايتك
قدرك فى السما محفوظ لايمكن ينطفى نجمك
هانوكى,عروكى,سحلوكى لكن ما ملكوا عزمك
قلبك على اولادك وبتنوحى وبتنزفى من قلبك
عمرك يا مصر مانسيتى دم الشهيد على أرضك
يروح زمان ييجى زمان ,تاخدى تار من حبك
آه يا مصر يا قويه يا شايله الحمل مين قدك
دول قويه ,دول عفيه تلف عليكى وتحايلك
بفلوسها بغازها بسلاحها تحتال عليكى وتغازلك
أه عليك يا عروسه يا فتيه يا شايله العفه فى جبينك
كنوز الدنيا تحتيكى وتاج العز أكليلك
أملنا فيكى يا مصر كبير تقومى تحاسبى من خانك
تاخديلنا بتار شبابك وتحاسبى كل من ظلمك
أمانه عليكى يا اما ماتبكى ولا تزيدى من همك
شمس النهاربكره تنورنا ,تهنينا وتسعدنا بنصرك
تفرح أرواح شهدائنا ومن سابع سما تدعيلك
منصوره دايما يا مصر وتاج النصر أكليلكد/وجيه رؤوف
أقول الحق ولا اسكت اقول الحق ولاأصمت
اقول الحق ياخوالنا أقول الحق لعيالنا
اقول الصدق ولا أكدب اقوله كلام ولا أكتب
اقول الحق فى زمن فيه الإخلاص بلا ثمن
أقول الحق للسلطان ليه حكمك بقى طغيان
أقول الحق للريس شوف الشباب بقى متيس
أقول الحق للراعى اللى سايب غنمه بلاداعى
أقول الحق للغفير ليه بتظلم كل فقير
أقول الحق للعسكرى ليه عالناس بقيت مفترى
أقول الحق للمأمور انت علينا ليه بتثور
أقول الحق للبوليس ليه دايما تابع أبليس
أقول الحق للقاضى ليه العدل صبح ماضى
اقول الحق للمجلس جلساتك بقت تفرس
أقول الحق للفنان ياريت ترجع سيما زمان
أقول الحق بالميدان ياريت ماتجوش على الغلبان
اقول الحق للنايب شكلك فى الدايره صبح خايب
أقول الحق للدكتور مالكش حق فى الدستور
أقول الحق للمفتى. دا طوب الأرض بقى بيفتى
اقول الحق للصحفى كدبك دا ماهوش مخفى
اقول الحق للمزيع فى حلقاتك ضميرك بتبيع
أقول الحق للمظلوم مصيرها تزول كل الهموم
أقول الحق للرهبان برائتكوا حتظهر بالبرهان
د / وجيه رؤوف
