قبل الفاس متقع فى الراس ونلاقيكم مشرفين فى كليه الطب وترجعوا )تقولوا الله يخرب بيت اللى دخلوا قبلنا ومقالوليش واللى دخلوا بعدنا ومسألونيشفانا بقولكم من الاول اهه:مبلاش ياأم بدوى , ياأم بدوى بلااااااشولو بقى هتنشٌفوا دماغكم وتقولوا : (هندخلوا الطب يعنى هندخلوا الطب)ء ( بنفس طريقه ريا وسكينه دى )فلازم الاول تشوفوا استعداداتكم وقدراتكم , لو تنفع يبقى اتكلوا على الله وادخلوا الطببس امتى؟خد عندك بقى 1- لو عندك صبر ايوب وعمر نوح واستعداد نفسى لتحمل الفقر والجوع والذل والبهدله عشره خمستاشر سنه لحد ما تدوق حلاوه انك بقيت دكتور2- او تستحمل بقى تشتغل بمرتب ميت جنيه فى الشهر فى مستشفى حكومى كده ظريف ولطيف ودمه خفيف ! وياسلام بقى لو المستشفى دى تلت اربع اوض كده فى شقه وقعت مرتين قبل كده جنب دوار العمده فى عزبه الحاج عوض ( محدش يسألنى العزبه دى فين )ء3-لو مستعد تعمل عمليه فى المستشفى دى وانت قاعد تهش القطط اللى مش راضيه تطلع ومصممه تشارك فى استئصال اى حاجه زياده عند المريض ( بيسموه الحاله بعيد عنك )ء4-اذا كان ضميرك يسمحلك ان تدى العيانين بالدور كدهقطره--- شربه---قطره ---شربه---قطره ---شربه (لأن هى دى كل الوسائل المتاحه فى قسم المجانى )ء5-اذا كان عندك استعداد تشحت على باب السيده علشان تجيب تمن شقه تفتحها عياده ( دا اذا كان بابى مش هيشتريهالك طبعا ) , واوعى تنسى تقعد التمرجى المنتظر على باب الحسين علشان يلملك تمن الاجهزه ( امال العيانين هيلاقوا العياده سلط ملط كده؟)ء6-لو عندك رغبه تبتدى تتعلم بعد التخرج وما تفضلش ممارس عام,وتستحمل بقى السقوط خمس مرات فى امتحان الماجيستير وعشر مرات فى امتحان الدكتوراه علشان تبقى اخصائى او استشارى .7-لو ميزعلكش يعنى ان العيال اللى كانوا فى ابتدائيه اول منت دخلت الكليه بقوا زمايلك دلوقتى فى الكليه وانت لسه متخرجتش ( عادى وفيها ايه يعنى؟ , بتحصل فى احسن العائلات )ء8-لو راضى تتخرج وانت بقى عندك فوق الربع قرن بسنتين تلاته وتأجل موضوع الجواز كمان ربع قرن كده على مالعياده يبقى ليها اسم.9-لو يجيلك نفس تفطر وتتعشى سندوتشات جواها حاجات مجهوله بيجيبهالك التمرجى من مكان برضه مجهول.10-لو مستعد انك متعرفش تنام ساعتين على بعض بالليل من غير مالتليفون يرن وينزلك وش الفجر تلحق عيان قرر يودع واهله مصممين انك تسلم عليه قبل ميموت11-لو كان عندك دبلوماسيه انك تقول : يا مدام انتى مش محتاجه اى عمليه تجميل , اجمل من كده هتخلى نص رجاله البلد يجروا وراكىبدل متقول : يا مدام انتى مش محتاجه اى عمليه تجميل ,انتى محتاجه عمليه ترميم على ايد خبير آثار بيزنطيه12-لو مستعد تقعد شهر تحفظ فى كتاب2000 صفحه ومتنتحرش لما يسقطوك فى الشفوى علشان لون شرابك معجبش الدكتور الفنان اللى بيمتحبك ( منتا اللى غلطان برضه , كده تجرح احساس الراجل بلون الشراب الفاقع ده؟ مش عارف ان الراجل حساس يعنى؟ تستاهل )ء13-لو معندكش حاجه من الكلام دا كله وكان باباك استاذ فى كليه الطب, يبقى اتكل على الله وادخلها لو بقى معندكش حاجه من الاماكنيات دى كلها وبرضه مصر تدخل طب فاستعد بقى لتلقى شويه المعلومه دى:1- قله من خريجى الطب يعملون بالصوره المعروفه للطبيب( يعنى بالطو ابيض وسماعه وممرضه حلوه بتقابل الزباين والحوارات دى)ء) عدد كبير منهم بيشتغل فى مهن تحتاج معلوماتهم الطبيه زى :بائع فى صيدليه , مندوب مبيعات فى شركه ادويه.وفى منهم باع القضيه واشتغل:سواق تاكسى , تاجر سيارات ( وممكن مخدرات مفيش اى مشاكل , انتوا عارفين ان اكل العيش مر ) مقاول , مدير مطبعه , مخلص فى الجمرك ,رجل اعمال ( مش قصدى بيعمل اعمال ويفك الربط وورك نمله ارمله جوزها لسه مربعنش والحوارات دى لا سمح الله )انا قصدى بسبس مان من اللى بنشوفهم فى التليفزيون دول , اللى بيشرب صوابع المحشى دى ويتجوز السكرتيره من ورا مراته) ..وطبعا كلهم يا اما نصابين يا اما قروض يا اما اى حاجه غلط وخلاص ,,منتوا برضه المفروض متنسوش ان اكل العيش مر , ومحدش بيآكلها بالساهل ( بنفس طريقه ريا وسكينه اللى كنت بتتكلم بيها قبل متدخل الكليه يا فالح ..اشرب بقى )ءوممكن ربنا يكرمك وتشتغل :سياسى , محافظ , وزير ...( بس طبعا فى اى وزاره ماعدا وزاره الصحه ,, ممكن تبقى وزاره التربيه والتعليق )ءاو ممكن تكون روائى , صحفى , شاعر , مطرب(ابراهيم ناجى .. يوسف ادريس , مصطفى محمود , حسن ابو لغد .....الخ)ءوانا بس حبيت اقول التحذير ده حرصا منى على مستقبلكموقد اعذر من انذر
ليست هناك تعليقات:
إرسال تعليق