زياره الأقباط للقدس وزياره أمين الحزب لبهجوره . بقلم دكتور وجيه رؤوف

أحيانا أحاول الصمت وعدم الكلام عملا بمبدأ إن كان الكلام من فضه إذا فالسكوت من ذهب , ولكن تتزايد التصرفات الفرديه حولنا وتستفذ الجميع ,فمثلا يصدر فرمانا إفتائيا من الكنيسه إن زياره القدس قد يسبب حساسيات لبعض الأخوه الفلسطينيين فى القدس الذين ربما يحزنون عندما يرون إخوتهم المسيحيين يزورون القدس , والحقيقه مع علمى تماما إن هذا الكلام للمتاجره السياسيه فقط لعلمى أن زياره القدس من قبل مسيحييى مصر لن يقدم ولن يؤخر فى شىء حيث أنه لا يسمح بزياره القدس إلا لمن هم فوق الخمسين تماما مثلما لا يسمح للإخوه المسلمين من عدم زياره الأقصى لدون الخمسين , أى أنه سواء سمحت الكنيسه بزياره القدس أو لم تسمح فإن إسرائيل مش فاتحاها سداح مداح لكل من أراد زياره القدس سواء من قبل المسيحيين أو المسلمين , ولكن ما يلفت النظر فى كلام الكنيسه وهى تتحدث عن القدس هو وصفها بأن الأخوه الفلسطينيين قد يشعروا بحساسيه تجاه هذا الأمر ,وهنا أحسست إنه إذا سرنا على مبدأ إن كان الكلام من فضه فالسكوت من ذهب فإنه بهذه الطريقه من الممكن القول : ما أغنى الخرسان والحقيقه فالأخوه المجاهدين فى فلسطين لا يشعروا أساسا بأى حساسيه تجاه الأخوه المسيحيين إطلاقا , فهل نسيت الكنيسه المصريه كم التهجير الذى حدث لمسيحيى القدس نتيجه إضطهاد إخوتنا الفلسطينيين فى حماس , وهل نسيت الكنيسه المصريه المكتبات المسيحيه التى حرقت وعدد المسيحيين الخدام اللذين قتلوا على يدى إخوتنا فى حماس , لكم هذه الأخوه جميله حقا فنحن نطلق عليهم إخوه ولديهم حساسيه وهم لا يجدون حساسيه فى قتلنا بدم بارد وهم يعتبرونا ايضا إخوه , يا للمسخره وعدم وضع التعابير فى أماكنها الصحيحه , وهل نسيت كنيسه مصر أن اغلب حوادث التفجير التى تمت على يد إخوتنا أيضا فى هذا الوطن كانت تستخدم متفجرات قادمه أيضا من يد إخوتنا الفلسطينين الحمساويين الحساسين عن طريق أنفاق غزه , إن كنتو نسيتوا إللى جرى , هاتوا الجرايد تنقرى ولكن إلى متى نعيش فى هذا الجو الملىء بالإستهتار والامبالاه وعدم وضع حساسيه لوقع هذه الكلمات على القبطى البسيط الذى يعلم نفاق هذه الكلمات ووقعها المؤلم على نفوس من يسمعها , عموما للإسف فان تقاريرا مثل هذه تذهب بمصداقيه قائليها وكنت أود عدم إجابه رجال الدين عن أسئله مثل هذه من المعلوم أنها ستحمل تعليقات سلبيه بعد ذلك وقد تخل بمصداقيه قائليها أمام الرأى العام من الطرفين , ونترك القدس باللى فيها ونأتى إلى قدس الأقداس مصر , حقيقه ما يحدث داخل مصر من تصرفات لبعض القيادات السياسيه داخل الحزب الوطنى من الممكن وصفها بالتحركات الأستفزازيه , فماذا نقول عن زياره أمين الحزب الوطنى لبهجوره فى هذا التوقيت بالذات , ألا يعلم السيد أمين الحزب أن هذه القريه قد تم حرق بيوت الأقباط بها كما تم نهب ممتلكاتهم على يدى الغوغاء , ألا يعلم السيد أمين الحزب أن شخص عضو مجلس الشعب الذى أستقبله بالورود والزمر والطبل البلدى عليه شبهات , ألا يعلم السيد امين الحزب أن هناك قضيه قتل لسبعه مصريين مازالت تنظر أمام القضاء وأن زياره مثل هذه قد تؤثر على سير القضيه , الا يعلم السيد أمين الحزب أنه الوحيد الذى وقف أما م رفع الحصانه عن هذا النائب فى مجلس الشعب , ألا يعلم السيد أمين الحزب أنه الوحيد الذى حاول أن يثنى السيده جورجيت قللينى عن رفع قضيه على هذا النائب فى مجلس الشعب , وأخيرا : ألا يعلم السيد أمين الحزب أن للمسيحيين أيضا شعور واحاسيس قد تتأثر بتلك الزياره المهينه وبسمع ذلك الزمر والطبل البلدى ودماء ضحايانا لم تبرد بعد , أين أنتى يا حمره الخجل ؟؟!! ولكن يبدو أن البلد قد أصبحت سداحا مداحا تصدر فيها تصرفات تستوجب المسائله ولكن ليس هناك من يستوجب , عموما إن الحزب الوطنى فى فترتنا هذه يأكل نفسه بنفسه وبهذه التصرفات يقضى على مصداقيته فى الشارع المصرى , وعلى فكره كما يعزف الطبل والزمر البلدى فى زياره المسئولين يعزف نفس الطبل والزمر فى خروج هؤلاء من السلطه , فالطبل يقرع والزمر يعزف لكل من هب ودب فى الصعيد, ولكنى أقولها وأنا على ثقه إذا كان البعض يعتقد أن موضوع نجع حمادى سيمر مرور الكرام مثلما مر موضوع الكشح والزاويه والخانكه وغيره فهم واهمون ,ليس لشىء وليس لأن هناك قوه أو قانون ولكن لإن هناك إله قوى يسمع دعوه المظلوم من سبع سموات . د / وجيه رؤوف

عدى النهار _ أغنيه عبد الحليم القديمه بتوزيع جديد يناسب الأحداث الحاليه أداء وإخراج الفنان الدكتور عمرو عيد

يارب انا محتار . قصيده تأليف دكتور وجيه رؤوف

يارب انا محتار وقلبى مليان مرار لإمتى اعيش فى نار وعقلى مشغول بإستمرار العيون عليها غبار والقلوب مشحونه دمار فكرهم عليه ستار ولسانهم طالع نازل منشار وكمان قنوات فضائيه تشتمنا ليل ونهار توصفنا بالكفار وتتمنى لنا الدمار طب نعمل أيه ياربى والحال ده بإستمرار ولادنا تعبانين على نفوسهم مش آمنين طيب يروحو لمين والكل عليهم ناقمين والقضاء مش عارف ليه بيعتبرهم ظالمين عمرهم ماظلموا حد ولا كانوا فى يوم قاتلين يارب إحنا كلنا من أدم وحواء جايين يعنى كلنا إخوات وليك مديونين طب ليه يزرعو الفرقه ونبقى مشتتين أقول أيه ياربى تعبت من الأفكار نايم صاحى مشتت مش حاسس بإستقرار أفكار كتير فى ذهنى تناجينى فى حوار مصر دى بلدنا وعدتها بالإستقرار كل من دخلها آمن على مدى الأعمار ليه النهارده كده للشر فيها أوكار إعلام وصحافه كمان بتبرىء الإشرار لكن ياربى إحنا لوجودك مطمنين إحنا فى حدقه عينك وهنكون آمنيين ده وعدك لينا ياربى وإحنا مصدقين هندعو بالسلام لكل مله و دين ماهى دى تعاليمك ياربى لكل المؤمنين إحبو كل الناس والخلق أجمعين وعشان وعدك ياربى هانقول دايما آمين د / وجيه رؤوف

من نجع حمادى إلى حجيرات قنا يا قلبى إحزن . بقلم دكتور وجيه رؤوف

يحزن الفرد منا حينما يتردى حال البشر إلى هذا المستوى من العنف والا مسئوليه , فقد قرئنا جميعا حادثه الثأر الرهيبه التى حدثت فى الحجيرات محافظه قنا والتى كانت بين أفراد تربط بينهما صله قرابه من الدرجه الأولى وهم أبناء عمومه , وملخص القصه كما سمعتها إن حادثه ثأر بين بيتين فى قريه الحجيرات بمحافظه قنا أثر حادثه قتل حدثت منذ خمسه عشر عاما تم أخذ الثأر فيها بأنه أثناء قيام العائله التى عليها الثأر بإحياء ذكرى سنويه فى وفاه أحد أفراد العائله دخل ثلاثه من أفراد عائله الضحيه الذى توفى منذ خمسه عشر عاما حاملين أسلحه أليه وقاموا بإطلاق النار بصوره عشوائيه على جميع من كانوا بالصوان مما أدى إلى مقتل سبعه وأصابه حوالى أثنى عشر فردا , وبعد فتره عادوا وتم تبادل إطلاق النار بين كلا الفريقين , والحقيقه إننا فى هذه القصه نقف فارهى الفاه ولا ندرى ماذا نقول , فإننا فى لحظه فقدنا سبعه أرواح مصريه لهم بيوتهم ولهم زوجاتهم ولهم أبنائهم , فكم زوجه ترملت وكم أبن يتم وكم أسره فقدت من يعولها , وهل هؤلاء اللذين فقدو أرواحهم جناه أم ضحايا , بالطبع ضحايا , فالذى أرتكب جرم القتل منذ خمسه عشر عاما ليس هؤلاء السبعه اللذين فقدوا أرواحهم , والحقيقه يتساوى عندى مبدأ القتل فى تلك الحادثه مع مبدأ القتل فى حادثه نجع حمادى , فالقتلى هنا سبعه وهنا سبعه والقتلى لايدرون لماذا قتلوا فلم يرتكب أحدهما جريمه ولكنهم قتلو نتيجه شيئين أولهما هو الجهل ثانيهما هو الأهمال , نعم أساس واحد يحمل مسئوليه الجريمتين , فالجهل هو المتسبب الرئيسى فى الحادثتين وهذا الجهل يقوم على أساس عدم المعرفه الحقه بصحيح الدين وثانيهما التحريض , هذا السبب الأول بشقيه هو مسئوليه الشعب والحكومه أما السبب الثانى وهوه الأهمال فهو مسئوليه الحكومه , إزاى ؟؟: الشق الأول فى القضيه وهو الجهل الذى يقوم على عدم المعرفه بصحيح الدين فقضيه الثأر قضيه قبليه لا شأن لها بالأديان السماويه كلها , فلم يرعى أى دين سماوى قضيه القصاص من أفراد أبرياء ليدفعو نتيجه جرم قاتل نيابه عن القاتل الحقيقى , فالأديان جميعها تؤكد أن القاتل يقتل ولو بعد حين , إذا فالأديان السماويه تشرع بالقصاص من الجانى كالقول الكريم : ( ولكم فى القصاص حياه يا أولى الألباب ) وكذلك قول الكتاب المقدس : ( مبرىء المذنب ومذنب البرىء , كلاهما مكرهه للرب ) إذا فالقاعده الأساسيه هى أن يدفع مرتكب الجرم ثمن جريمته طالما ثبت إرتكابه لها وإلا فلماذا يدفع أشخاص أبرياء ثمن لجريمه لم يقترفوها ؟؟ !! وهل هذا شىء يسعد الله الذى نبتغى جميعنا رضاه ؟؟!! بالطبع لا . ونأتى للشق الثانى للسبب الأول وهو التحريض الذى يساعد على ملىء القلوب بالحقد وإشعال النيران داخلها ويؤجج لنار الفتنه , وهذا السبب يتوافر فى القضيتين فالقضيه الأولى وهى قضيه نجع حمادى تمت تحت تأثير التحريض من البعض ممن لهم أغراض سياسيه فى إشعال نيران الطائفيه وإذكائها وهذا ثبت من خلال لقاءات عده وفيديوهات تثبت ذلك كما تثبت ان لكل قضيه نتيجه الجهل يقف محرضون لتلك القضايا يذكونها ويشعلون نارا لاتهدأ إلا بعد نزيف من الدم , وهنا أيض يتأكد نفس الشق وهو التحريض فى كل قضايا الثأر فى بلادنا , وكلنا يعلم مدى المغالاه ومدى الأستهزاء الذى تقابله كل عائله لا تقوم بأخذ تارها من العائله الأخرى ويشكل هذا فى النواحى القبليه كشيمه عار تلصق بكل عائله لم تأخذ بتارها وكأن قانون التار القبلى هذا كتاب مقدس أنزله رب العالمين يجب أتباعه , وهنا يأتى التحريض مقنعا قبليا من أفراد الشعب تجاه بعضهم وتجاه أبنائهم ليدفع فى قضايا الثأر شبابا أرواحهم أبعد ماتكون عن أرتكاب تلك الجرائم ويدفعوا حياتهم سببا لجريمه لم يرتكبوها وهذا ماحدث فى جريمه ثأر الحجيرات بقنا , وطبعا الشق الأول وهو الجهل الذى حملناه على الشعب أولا وعلى الحكومه ثانيه , فالحكومه عليها الدور الأول بكل مؤسساتها الإعلاميه والتعليميه فى محاربه ظاهره الثأر فأين البرامج التنويريه والبرامج الدينيه والمناهج التعليميه التى من المفروض أن تجرم تلك القضيه التى تذهب بأرواح أبنائنا , طبعا لامانع أن يشغلنا التليفزيون بمسلسلاته الجميله مثل راجل وست ستات لكن برضه قضايا السبعه قتلى فى الحجيرات وفى نجع حمادى أولى ببعض الأهتمام ويهمونا أكتر من الست ستات !! هنا السبب الخاص بالجهل وهو السبب الأول الذى يقع على أفراد الشعب والحكومه, أما السبب الثانى وهو الأهمال وهو السبب الذى يحمل على الحكومه فى كلا القضيتين , نعم الأهمال وهذا الأهمال هو فى عدم حل تلك المشاكل ففى قضيه نجع حمادى كانت هناك مشاكل معروفه بين الأنبا كيرلس وعضو مجلس الشعب عبد الرحيم الغول والمحافظ ونتيجه هذه الخلافات دفع سبعه من شباب مصر ارواحهم ثمنا لأن يأخذ المحافظ الأنبا كيرلس حضنا أمام الناس مدعين أنه لاتوجد مشاكل كما يعلن عبد الرحيم الغول أنه خلال اربعين سنه لم تحدث مشاكل , إذا فأين الدوله من تلك المشاكل التى نشبت بين هؤلاء القاده الثلاثه ولم تحاول الدوله حلها بينهم مما أدى إلى أن يدفع سبعه من أبنائنا دمائهم ثمنا لتلك الخلافات السياسيه و إذا فهنا شق إهمال وكان الأولى أن يأتى النائب العام والسيد احمد عز لحل هذه المشاكل قبل ان تحدث أفضل ألف مره من أن ياتوا بعد خراب مالطا , والأهمال هو هو نفسه فى قضيه الحجيرات فكيف لقضيه منذ خمسه عشر سنه موجوده ولم تحل حلا كاملا ويعلم الجميع أن هناك جزوه نار فى القلب لا تلبث إلا أن تشتعل وتحتاج من يطفئها , أين اعضاء المجال المحليه العمد اللى مفروض يعقدو جلسات الصلح ؟؟ أين أعضاء مجلس الشعب اللذين بأصوات هؤلاء الضحايا وصلو لكراسيهم , أين هم من تلك المشكله ؟؟ أين الحزب الوطنى ذلك الحزب العريق والمفروض انه متواجد دائما لحل تلك القضايا , فهو الحزب القائد والذى يملك فعاليات العمل على أرض الواقع بل ويملك السلطه التى تفرض الحل , أين هو من تلك المصائب ولماذا لم يحاول حل تلك المشاكل ؟؟ للأسف دائما نلطم بعد فوات الأوان !! ودائما نكتشف أن عربه الأطفاء ليس بها ماء ساعه الحريق فإلى متى ؟؟؟!!! وهكذا نوجز أن سبب كل جرائمنا وتخلفنا ورجعيتنا هو الجهل , رحمنا الله من الجهل والجهلاء واختم قولى بالمقوله الكريمه : ربنا ولا تؤاخذنا بما فعل السفهاء منا. د / وجيه رؤوف

للأسف الرساله ما وصلتش . بقلم دكتور وجيه رؤوف

كنا نجلس فى جلسه مع البعض من زملائنا حتى جائنا زميل وصديق قديم لم أقابله منذ فتره وذلك لإختلاف مكان عمله عنى وعدم تقابلى معه بإستمرار , والحقيقه فإن زميلى وهو الأستاذ إمام رجل ملتزم دينيا وعلى خلق بالإضافه إلى ذلك فهو من غير المتعصبين وهو ملتزم بطقوس ديانته كلها كما أن السبحه لاتفارق يده وهو فى الحقيقه إنسان مهذب ودمس الخلق وهو يتسم بأنه متحدث لبق يجيد الحديث ويجيد إستخدام مفردات اللغه , ولا حظت بعد فتره من جلوسه وهو يتحدث إلى أحد الزملاء بينما كنت أحادث زميل آخر لى فى العمل بانه يومىء أليا قاصدا لفت نظرى لما يقول قائلا : مشى ذى الكلام اللى بيكتبه وجيه فى مدوناته , وطبعا لفت نظرى تلك الإيمائه والإشاره إلى مدوناتى ومن القاعده فى أدب الحديث أن أتجه إليه مستفسرا عما يقصده , وجيه : خير يا أستاذ إمام , هو حضرتك بتقرى مدوناتى ؟؟ إمام : أيوه بأقراها , علشان كده أنا ما صبحتش عليك النهارده وجيه : يا خبر يا أستاذ إمام , قد كده حضرتك زعلان منى , هو حصل منى حاجه حضرتك للدرجه اللى تزعلك منى وتخليك ما تصبحش عليا ؟؟ إمام : حصل منك حاجه ؟؟!! هو كل اللى بتكتبه ده ولسه ماحصلش منك حاجه , طب أيه رايك بقه انا هقول لكل زمايلك مايصبحوش عليك زى ما انا ماصبحتش عليك النهارده وكمان هاخليهم يخاصموك. وجيه : ألا لا لآ له أيه ده ؟؟, الظاهر الموضوع كبير قوى , عموما أنا عارف تأثيرك على الناس وممكن فعلا تخلى زمايلى ما يصبحوش عليا , عموما لو هما ما صبحوش عليا أنا هاصبح عليهم علشان أنا بحب أكون صافى مع نفسى ومش هااقابل الخصام بالخصام علشان أنا زمايلى بيعزو عليا وأنا ما أقدرش أستغنى عنهم أبدا, لكن بالراحه كده فهمنى أيه اللى مزعلك ؟؟ فيه مقال معين مضايقك ؟؟ إمام : مقال واحد !! , ده كل مقالاتك تضايق , أيه ياعم الصوره الوحشه اللى بتكتب بيها عننا دى مبين أنه فيه إضطهاد وتعصب وكأننا عايشين فى نار وكأننا بنكره بعض , أيه اللى بتكتبه ده طب واللهى انا معاشر زميل ليا فتره خمس سنين وبينا عيش وملح و كنت فاكره مسيحى وبعد خمس سنين اكتشفت انه مسلم , وايه رأيك ان ابنى جانى من المدرسه مره وبيقول لى لى صاحب اسمه مايكل حلو ومؤدب أصاحبه وألعب معاه ولا ألعب مع حد غيره , قلت له العب مع مايكل وصاحبه علشان هو مؤدب وأبن ناس كويسين , تيجى انت دلوقتى وبعد العمر ده تقول فيه مسلمين ومسيحيين , لأ الكلام ده ما ينفعش , أنت ماتكتبش الكلام ده تانى , الشباب لما يقروا الكلام ده مش كويس وتبقى فيه فتن أحنا مش عايزينها . وجيه : معلهش يا أستاذ إمام , حضرتك فهمتنى غلط , أنا مش باكتب مقالاتى عن الوسط اللى أحنا عايشين فيه أنا وانت , أنا بتكلم عن اوساط تانيه فيها تطرف . إمام : ياعم شوفلك موضوع تانى أكلم فيه , يعنى بزمتك هم المسيحيين بس المضطهدين , يعنى المسلمين مش متضهدين , تعالى شوف دلوقتى الوظائف الكبيره فى البلد مين اللى بياخدها , أللى معاه الواسطه والكوسه واللى ابوه أستاذ فى الجامعه أبنه بيبقى استاذ لكن المسلم والمسيحى الغلبان هما أللى بيتظلموا , يبقى الأضطهاد على الكل , لاتقولى مسيحى ولا مسلم , يبقى تكتب عن اضطهاد المصريين كلهم وتتكلم عن مشاكل الشعب كله , يا راجل إحنا اتخنقنا وأنت جاى تكتب فى مواضيع المسلم والمسيحى و كفايه كده بقى . وجيه : معلهش يا أستاذ إمام , أنا ما أعتقدش إن حضرتك قريت مقالاتى كامله , لأنك لو قريت مقالاتى كامله كنت عرفت إنى أحرص واحد على الوحده الوطنيه فى البلد دى , ,انا باكتب فى المجال ده بحرقه علشان عايز ارجع محبه زمان وعيشه زمان الجميله . إمام :العيشه كويسه وإحنا مسلمين ومسيحيين مع بعض ذى الفل مافيش حاجه جدت علينا , وذى ما قلت لك , أكتب فى أى حاجه تانيه. وجيه : يعنى أحنا ذى الفل ومافيش مشاكل خالص ؟؟!! إمام : أيوه مافيش مشاكل خالص وجيه : خلاص كده أنا أطمنت , والله أنا مبسوط جدا طالما مافيش مشاكل خالص !! بس فيه حاجه , تصدق دلوقتى بس انا حسيت إنى فشلت , لأنه لما مثقف زى حضرتك ماقدرش يستوعب المعنى والمغزى الحقيقى لكلامى , مين اللى هيفهمه ؟؟, يبقى فعلا انا فشلت!! طبعا ما كانش ممكن وانا فى مكان مفتوح وفيه ناس داخله وخارجه إنى أفتح مواضيع الفتنه الطائفيه فى مصر من إحداث الخانكه وإلى نجع حمادى , لأنى أدركت أنى لو تكلمت فى هذه المواضيع فسوف افتح على نفسى أبواب جهنم وخصوصا إن البعض وضع فى فكره أشياء لايجب مناقشتها ولا يجب الخوض فيها , فإذا بى أجد نفسى أدير دفه الحوار الى جهه مغايره أخرى , بقولى : سمعتوا عن الزلزال اللى حصل أمبارح فى الصين. وطبعا نجحت فى إداره دفه الحوار إلى جهه اخرى خوفا من أن يخرج علينا واحد من تحت الأرض ليتهمنا باننا بنتكلم فى السياسه وأهه نتكلم عن الصين أو كوالالامبور , أفضل ما نتكلم فى موضوع وما نعرفش هنبات فين بعديها , دمتم فى سلامه الله. د / وجيه رؤوف

أول فيلم مصرى عربى عن حياه و آلام السيد المسيح بموافقه الأزهر فى 1938- صفوت يسى

إنفراد صحفى أول فيلم مصرى عربى عن حياة وآلام السيد المسيح بموافقة الأزهر وإنتاج1938م وقام بمراجعته طه حسين .. أبطال الفيلم مسلمون واحمد علام فى دور السيد المسيح وسميحة أيوب فى دور المجدلية وتوفيق الدقن فى دور قيافا إنفراد صحفى أول فيلم مصرى عربى عن حياة وآلام السيد المسيح بموافقة الأزهر وإنتاج1938م وقام بمراجعته طه حسين .. أبطال الفيلم مسلمون واحمد علام فى دور السيد المسيح وسميحة أيوب فى دور المجدلية وتوفيق الدقن فى دور قيافا -------------------------------------------------------------------------------- تقرير يكتبه :صفوت يوسف رئيس تحرير صحيفة نداء الوطن القبطيه حياة المسيح وآلامه استلهمت الكثير من مبدعى السينما وفنانينها لما تحمله من ثراء درامى وتاريخى وايمانى... فقامت السينما بانتاج العديد من الأفلام عن السيد المسيح منذ طفولته وهروبه من وجه هيرودس وحتى قيامته من الأموات فى اليوم الثالث بعد سلسلة طويلة من العذابات العنيفة .. وكان ظهور أول فيلم عن المسيح عام 1904م والذى اخرجه فردينان زيكا والذى حمل اسم "حياة والآم يسوع المسيح " ورغم ان الفيلم حقق نجاحا ً ملموساً الإ انه لم يُرضى السينمائين وتبارت شركات الانتاج فى حشد إمكانياتها لتقديم أفلام تُرقى لمستوى الحدث وبلغ عدد هذه الأفلام التى انتجتها طوال مئة عام 390 فيلم أهمها "حياة المسيح " عام 1908م ،"قبلة يهوذا " عام 1909م ، " ومن المهد الى الصليب "لمخرج سيدنى اولكون الذى يمكن ان نقول عنه افضل ما أنُتج ونُفذ بشكل جيد فى هذه الفترة ومازالت بعض الكنائس تعرضه حتى الآن.. وفى عام 1928م ظهر أهم هذه الأفلام وهو " ملم الملوك " للمخرج الامريكى الشهير سيسل دي ميل صاحب فيلم " الوصايا العشر" والفيلم الفرنسى " جبل العذاب" 1935م لجوليان دوفافييه ..ومع كثرة هذه الأفلام وأثارتها الكثير من الجدل بدأت الكنيسة تتدخل وتدرس النصوص وتضع رؤيتها الدينية بعد ان شعرت ان احياناً ان الفن قد يُفسد الاسس الدينية ويحرفها مثلما حدث فى فيلم "الرداء" لهنرى كوستر وفيلم "بين هور" بنسختيه "اخرج الاولى الامريكى فريد بينلو عام 1925م والثانية اخرجها وليم وايلر عام 1959م وكذلك صارت اعتراضات من قِبل الكنيسة على أفلام أعتمدت على ضخامة الإنتاج والإيرادات دون أن تضع فى إعتبارها أى قيم روحية وعدم إلتزامها بنصوص الكتاب المقدس مثل "ملك الملوك الناطق" الذى أخرجه نيكولاس راى عام 1961م وكانت أبرز هذه الأنتقادات التى تم توجيهها للفيلم لإنه قدم المسيح على انه أشقر الشعر وازرق العينين وتم عرض الفيلم بالقاهرة فى منتصف الستينات واحدث جدلاً بين الأقباط وإعترضت عليه الكنيسة وتم سحبه من دور العرض بعد أقل من أسبوعين رغم تحقيقه إيرادات مرتفعة..و "أكبر قصة لم تُخبر بعد"لجورج ستين عام 1965م أما أكثر الأفلام التى أثارت جدلاً واسعاً بعد فيلم "ملك الملوك"، وفيلم" إنجيل متى"الذى تتضمن مشاهد جعلت صورة المسيح تلتصق بالفكر الثورى وبطبقه البروليتاريا فى العالم الثالث ومحاولة إطلاق دعوة إجتماعية تهدف إلى تغيير أوضاع الفقراء والبؤساء وهى الأراء التى أعتبرها الأصوليون المسيحيون فى أوروبا تحريفاً وتشويهاً لصورة المسيح ونفس الأمر حدث مع فيلم "الحياة حلوة" للمخرج الإيطالى فيدريكو فيللينى الذى طالته إتهامات عديدة منها التحريف فى نصوص الكتاب المقدس وإحتج الفاتيكان على الفيلم ومُنع عرضه ..إلى أن جاء أكثر الأفلام التى نالت سخط وغضب المسيحين على مستوى العالم وهو "الإغواء الأخير للمسيح"والذى أخرجه مارتن سكورسيزى عام 1988م والذى صوّر المسيح فى صورة الإنسان الضعيف أمام شهوات الجسد الأمر الذى جعل جماعات مسيحية ومنظمات دينية تستخدم العنف لوقف الفيلم المُسئ للعقيدة والإنجيل وتعتبره فيلم مدفوع لتخريب العقيدة المسيحية...إلى أن جاء فيلم آلام المسيح لللمخرج والممثل العالمى ميل جيبسون الذى نال استحسان كل الدوائر المسيحية والكنائس ولكن لم يخلو أيضاً من بعض السَقطات التى اعترضت عليها الكنيسة ..هذا هو ما يتعلق بتاريخ المسيح على شاشة السينما العالمية أما فى مصر فيستعد المؤلف فايز غالى عن تقديم فيلم عن حياة المسيح وهروبه إلى مصر "رحلة العائلة المقدسة"وذلك بعد أن انتهى من كتابة الفيلم وحصل على موافقة الكنيسة وقد سارعت وسائل الإعلام وبعض المثقفين بنقل هذا الخبر وتفاصيله بإعتباره أول فيلم مصرى ، وبدء المؤلف مرحلة من الجدل والنقاش مع علماء مجمع البحوث الإسلامية وقد حصل السيناريست فايز غالى على موافقة قداسة البابا شنودة على سيناريو فيلم "المسيح"، ، مؤكدا أن موافقته حملت مفاجأة كبرى وهى رغبة البابا فى مشاهدة الفيلم بعد انتهاء التصوير وكنسخة عمل، قبل عرضه ليقول رأيه فيه وإذا أعجبه فأنه سيقوم بكتابة مقدمة الفيلم، حيث أكمل غالى أنه بذلك يقع على عاتق الإنتاج مسئولية إخراج الفيلم بما يليق بأول فيلم عربى عن المسيح(حسب ما نشرته الصحف وبثته وكالات الانباء) كما أكد غالى أن الرقابه لم تعترض على الفيلم وقد تم الإتفاق مع العلماء المسلمين على عدم التدخل فى السيناريو.وأوضح أنه دائما ما تمنى أن يكون لدينا فيلم عربى ومصرى عن حياة السيد المسيح.. وجاءته هذه الفكرة خاصة بعد تناول العديد من الأفلام الروائية فى السينما العالمية حياة المسيح، كما حرص أن يكون فى فيلم المسيح (العربى) جزء فنى وتاريخى ودينى، وقد دقق فى كل الجوانب، وقد استعان فى تلك الجوانب بـ39 مرجعا ليخرج العمل دقيقا، ولكن نطلق لكم مفاجأة مدوية لا يتوقعها أحد وتضع الأزهر الشريف فى موقف شديد الحرج..**أول فيلم مصرى عرب عن حياة وآلام المسيح ظهر عام 1938م بموافقة شيخ الأزهر فضيلة الشيخ محمد مصطفى الرفاعى وهو إنتاج الشركة العربية للإنتاج السينمائى والتى يملكها ثلاثة مسلمون "محمود السنهورى" ، "شريف المندور" ، إبراهيم أحمد خليل"وشرعوا فى هذه المرحلة الزمنية التى شهدت بدايات السينما المصرية بإنتاج فيلم عن حياة وآلام المسيح وقام بمراجعة المادة الحواريه عميد الأدب العربى الدكتور طه حسين الذى كان عميداً لكلية الآداب فى هذا الوقت ...ومن مفاجأت الفيلم الذى يُعد من أبرز الأعمال الدينية العربية رغم ضعف الإنتاج وغياب التقنيات والخدع السينمائية والمؤثرات السمعية والبصرية إلا أن الفيلم فى مُجمله جيد وألتزم بنص الكتاب المقدس حرفياً رغم إن أغلب القائمين عليه بدءاً من الإنتاج والأبطال والمخرج مسلمين ...وبرع الفنان احمد علام فى تجسيد دور السيد المسيح بأداء راقى وسلس وبملامحه المصرية العربية المُعبّرة وقامت الفنانة عزيزة حلمى بدور السيدة العذراء والفنانه سميحة أيوب بدور مريم المجدلية والفنان سعد أردش بدور الفريسى والفنان توفيق الدقن بدور قيافا والممثل عبد العليم خطاب فى دور بطرس والفنان إستيفان روستى فى دور المولود أعمى والفنان عبد السلام محمد فى دور المفلوج الذى صنع معه المسيح المعجزة رغم أن مشهده لم يتجاوز العشرين ثانية وأخرج الفيلم المخرج محمد عبد الجواد وتم طبعه وتحميضه بمعامل وإستديوهات الأهرام ونال الفيلم إستحسان الكنيسة والأقباط وكتب حواره الأب أنطون عبيد ...نجح الفيلم فى خلق صورة جيدة وإستخدم المخرج كل ادواته المُتاحة فى هذا التوقيت رغم فقر أماكن التصوير وبعض الأخطاء فى الملابس التى غلب عليها الطراز الإسلامى إلا أن المخرج برع فى تجسيد مشاهد حية مثل عذابات المسيح وصلبه وإستخدامه ديكورات موحيه وقريبة من الحدث الطبيعى ..إن هناك نقاط إيجابية كثيرة فى هذا الفيلم الذى سقط من تاريخ السينما المصرية منها الأداء الرائع للممثلين وإيجادة احمد علام لدوره وكذلك توظيف المجاميع داخل الأحداث وخاصة مشهد دخول المسيح أورشليم ودخوله الهيكل وطرده الباعه والصيارفه ...وقياساً لتاريخ إنتاج هذا الفيلم عام 1938م أى منذ 72 عاماً وهذا مؤشر إنه من الممكن إنتاج المزيد عن حياة السيد المسيح وآلامه وعن التلاميذ وكرازتهم إن هذا الفيلم يأتى مواكباً للسينما العالمية مع فارق الإمكانيات وسُبل الإنتاج فى هذا الوقت...عُرضَ الفيلم بأكثر من دار عرض فى القاهرة والأسكندرية وشهده جمهور كبير عندما كانت هناك محبة قلبية صافية وسماحة دينية وروح طيبة تربط الشعب المصرى بعيداً عن الإحتقانات والفتن والصراعات والتشنجات يكفى إن يوم إفتتاح هذا الفيلم شاهده نخبة من كبار مُثقفى وفنانى مصر منهم عباس محمود العقاد والمُفكر خالد محمد خالد والفنان وموسيقار الأجيال محمد عبد الوهاب والفنانين أنور وجدى و نجيب الريحانى و يوسف وهبى وعلى الكسار وبشارة واكيم والفنانات ليلى مراد وليلى فوزى ومارى منيب وغيرهم من نجوم هذا الزمن الجميل إنها دعوة لدراسة هذا العمل لأنه مازال ممكناً تقديم الأفضل وفق المعايير الزمنية وتطور حال السينما وإنتشار دور العرض وأدوات الإنتاج

كلمه إلى كل ليبرالى فى مصر . دكتور وجيه رؤوف

شوبير وأخطاء عقائديه . بقلم دكتور وجيه رؤوف

الحقيقه يختلط الحابل والنابل فى مصر فكل من يريد الشهره عليه الخوض فى الآخر وفى معتقد الآخر وفى حريه الآخر , وفى فتره من الزمن أشتهر هؤلاء اللذين يقومون بقضايا الحسبه فهم يجلسون منتظرين فكرا من هذا أو كتابا من هذا يحمل فكرا تحرريا لكى يقوموا برفع القضايا عليه بدعوى الدفاع عن الدين فترفع قضايا الحسبه التى تكفر هذا أو تحكم بتفريق هذا عن زوجته وما فى حكم ذلك , وطبعا يشتهر هؤلاء وتلمع أسمائهم فى وجود من يتعاون معهم من مستشارين , وأهوه مكاسب ماليه وشهره فى نفس الوقت , وقد أشتهر الكثير من هؤلاء على حساب مثقفين مصريين أضيروا من هذه القضايا أمثال الأستاذ نصر حامد ابو زيد والكتور سيد القمنى والدكتوره نوال السعداوى وقبلهم دفع الدكتور فرج فوده حياته ثمنا لتكفيره من البعض , الحقيقه كثرت تلك الأشياء فأصبح فى العرف أنه إذا أردت أن تشتهر فماعليك إلا الخوض فى معتقدات الأخرين وبذلك خرج علينا كتاب آخرون يخوضو فى الديانه المسيحيه امثال محمد عماره وزغلول النجار وآخرهم وليس آخر هو الدكتور يوسف زيدان , وطبعا ننهض فى مصر لنستنكر رسوما مسيئه للأسلام فى الدانمرك بينما يسخر كتابا كبار أقلامهم للخوض فى المسيحيه عيانا بيانا وكأن أحاسيس المصريين فى مصر تتأثر برسوم فى الدانمرك بينما أحاسيس المسيحيين فى مصر لاتتأثر بكتب تقذف بهم وبمعتقداتهم داخل مصر , مفاهيم مغلوطه وشيزوفرينيا حسيه غير عادله والكيل بمكيالين أصبح هو السمه فى كل هذا , طبعا فى الخارج سعى البعض لإغتيال الرسام الدانماركى بينما فى بلادنا تفتح الفضائيات لتلميع كل من يقذف فى المسيحيه , طبعا هذا أعطى مبررا لكل من أراد ان يصبح بطلا قوميا أو شيخا شعبيا لأن يقوم بالخوض فى معتقد الأقباط طالما لم يكن هناك رادع من أجهزه الدوله , وطبعا كل ده على حساب اعصاب الأقباط وصبرهم وطوله أنات نفسهم , ماعلينا , آخر البهوات الكبار الذى أنزلق قصدا أوبدون قصد فى هذه الهويه هو الكابتن الرياضى حارس المرمى سابقا وعضو المجلس النيابى حاليا وهو الكابتن شوبير , والحقيقه الكابتن شوبير له ملف كبير بينه وبين الأستاذ مرتضى منصور ومابينهما يدور على ساحات الجرائد ولا ننسى المكالمه التليفونيه التى سجلتها إحدى الصحفيات لشوبير وكان فى هذه المكالمه ماكان ومايوضح ألأخلاقيات التى نعيشها , المهم واضح أن لمرتضى منصور الغلبه فى مواقفه مع شوبير ولكن الغريب فى إحدى اللقاءات التليفزيونيه مع شوبير ويبدو أنه كان يعانى هذه الأزمه التى لم تحكم تصرفه وجعلته يتحدث بأسلوب المدافع عن نفسه , ولكن أنزلق شوبير فى حديثه فالحديث يجب أن يدور داخل الموضوع , ولكن حينما أستفسرت المذيعه من الكابتن شوبير على رده فعله لما تعرض له قال لها : طبعا , أمال أعمل زى المسيح لو ضربنى على خدى الأيمن أعطى له خدى الأيسر يقوم يضربنى على قفايا بعد كده !!, طبعا هنا نقف كتير قوى !! صحيح أن شوبير أعتذر عن مابدر منه من خلال مداخله تليفزيونيه مع الأستاذ عمرو أديب اللى ساعده وخلص له الموضوع مع المحامى اللى رافع عليه قضيه قذف على الهواء وقبل المحامى الأعتذار , لكن ؟؟!! هنا لازم نقف فالموضوع مش هو أن شوبير يعتذر أو لايعتذر أويعاقب أو لايعاقب ولكن الموضوع فى تحليل ماقاله شوبير وأستبيان قناعاته وهنا لازم نقف شويه ونركز فى اللى جاى , أولا شوبير يؤمن بالأسلام وهو قوى التدين ولكن الأسلام لم يقل عن السيد المسيح أنه قال : من ضربك على خدك الأيمن حول له الأيسر ولم يذكر هذا نهائيا ,وهنا نقول أن تلك الأيه عن السيد المسيح جاءت فى الكتاب المقدس وطبعا الكتاب المقدس اللى هو مكدس عند زغلول النجار ومحرف عند محمد عماره ولا يعتد به كقول الأئمه , فلماذا أستدل شوبير بتلك الأيه التى من الأنجيل طالما كان لايعترف به أساسا , ماهوه ياتعترف بالكتاب ده فتجيب آيات منه !! أو لاتعترف به فما تجبش آيات منه , وهنا يضرب شوبير نفسه فى صلب عقيدته ويناقضها حينما يستدل عن المسيح بآيه من الأنجيل , ثانيا : مادخل المسيح بالكوره يا كابتن شوبير ومادخله بمشاكلك أنت ومرتضى منصور لكى تزج به فى مهاتراتك , إن السيد المسيح لم يلعب الكوره ولا أدرى إذا كان يشجع الأهلى أو الزمالك أو منتخب الساجدين , عيب قوى يا كابتن الزج بمقدسات غيرك فالكلام عن الشخصيات الدينيه فقط فى دور العباده وليس مكانه على الفضائيات بهذه الصوره الفجه , عيب يا كابتن تانى وتالت ورابع وربنا يسامحك أحنا مسامحينك زى ما بنسامح غيرك علشان دينا امرنا بالسماحه مش علشان دينا أمرنا نكون ملطشه ذى ما حضرتك فاهم , وهنا طأطأ لى ودنك شويه : المسيح لما قال : من ضربك على خدك الأيمن حول له الأيسر لم يكن يقصد هذا المعنى حرفيا ولكنه يقصده معنويا فمثلا : حينما قال ((إن كان لكم إيمان مثل حبه الخردل لكنتم تقولون لهذا الجبل إنتقل من هنا إلى هناك فينتقل )) , و هنا من المعلوم أن حبه الخردل هى أصغر الحبوب حجما فهل كان يقصد أنه إذا كان لكم إيمانا قليلا فسوف تنقلون الجبال !! بالطبع لا , ولكن مايقصده المسيح هنا هو أن حبه الخردل وهى أصغر الحبوب حجما حينما تزرع تثمر شجره هى من أكبر الأشجار حجما وهى شجره الخردل , وهنا يقصد السيد المسيح أن بذره الأيمان الصغيره لو وضعتها فى قلبك ورويتها إيمانيا فسوف تنمو وتصير إيمانا كبيرا ينقل الجبال , هذا هو المفهوم يا شوبير فهو يقصد المعنى معنويا وليس حرفيا , والدليل أن المسيح نفسه لم يعطى قفاه للضرب كما تقول حضرتك , هو أن السيد المسيح حينما لطمه أحد الرومان على وجهه أثناء المحاكمه قال : إذا كنت تكلمت رديا فرد على الردى وإن كان حسنا فلماذا تلطمنى إذا يا سيد شوبير المسيح ما إدالوش خده الأيسر وقال له كمان أدينى أكتر ! وكمان أحد الرسل المسيحيين وهو بولس الرسول حينما حاول أحد الرومان ضربه تحداه بولس قائلا : سوف أرفع دعواى إلى قيصر فأنا مواطن رومانى لا تجوز إهانته , إذا هنا الرسول بولس ماقالوش : تعالى أضرب , لأنه يعلم تعاليم المسيح جيدا , كما أن فى تاريخ المسيحيه الكثير من الفرسان الشجعان اللذين تحدث التاريخ عنهم ومنهم : الشهيد الفارس مارجرجس الرومانى الشهيد الفارس مرقوريوس أبو سيفين الذى كان يحارب وفى كل أيد سيف ولذلك سمى بابو سيفين وغيرهم الكثير والكثير , إذا يا سيد شوبير ففهمك عن المسيح والمسيحيين خاطىء والمسيح ماقلناش نمشى فى الشارع معريين قفانا للخلق ذى ماحضرتك فهمت , ولما تكون مش فاهم حاجه أو مش قادر تستوعبها ياريت تسأل الناس الثقاه بدل ما تفتى من نفسك : ( إسألو أهل الذكر إن كنتم لا تعلمون ). د / وجيه رؤوف

الخيبه بالويبه . مقال بقلم الدكتور وجيه رؤوف

جائنى الباشمهندس جميل شاردا عابثا على غير العاده , فهو شاب وسيم دائم الإبتسامه مجدا فى عمله يحبه الجميع فى بلدته وفى عمله فبادرته بالسؤال : خير يا باشمهندس , حصل حاجه كفالنا الشر ؟؟!! أيه الحكايه مال شكلك غضبان جدا , حصل حاجه فى البيت ؟؟ الأولاد كويسين ؟؟ جميل : الأولاد كويسين الحمد لله بس أنا تعبت مش قادر . وجيه : خير صحتك كويسه ولا كريزه القلب بتجيلك ؟؟ جميل : لأ يا عم القلب مستقر دلوقتى والحمد لله , أنا مش قادر أعيش فى البلد دى , شوف لى طريقه عايز أسيب مصر , تعبت كفايه كده. وجيه : هدى أعصابك كده وروق , أيه الحكايه ؟؟ أجيب لك شاى ولا كوكاكولا . جميل : ايه الحكايه يادكتور إن ماكنتش دكتورى وبتعالجنى يعنى ما انت عارف انى عندى قصور فى الشريان وعندى المعده وعلشان كده ماباشربش الحاجات دى لإنها بتتعبنى . وجيه : طيب خلاص هاجيبلك ينسون , أهه منه فوايد كتير منه كويس للمعده ومنه تنسى ؟؟. جميل : أنسى أيه يادكتور , معلهش ماليش نفس فى حاجه , أعفينى. وجيه : بالراحه كده , أحكى لى كل مشكله ولها حلال . جميل :تعبت فى الشغل بيتلككو على كل كلمه باقولها وبيحوروها وبيحاولو يثبتو ليا وللكل إنى طائفى ومتعصب . وجيه : متعصب أيه ده أنت متربى وسط المسلمين وكل جيرانك مسلمين وإصحابك وحبايبك اغلبهم مسلمين , تيجى منين طائفى دى . جميل : شوف يا دكتور انت تعرفنى من واحنا صغيرين عمرك شفتنى بانافق حد أو بداهن لحد . وجيه : أه , مشكلتك الوحيده , عارفها بتقول للأعور أنت أعور فى عينه بدون ماتاخد لبالك . جميل : لأ انا واخد لبالى بس انا اتعودت اللى فى قلبى على لسانى وده اللى تاعبنى . وجيه : أيه المشكله بقى ؟؟ جميل : شوف فى الشغل عندى بالرغم من إنى واخد قرار عمل خفيف من لجنه ثلاثيه طبيه علشان عندى قصور فى القلب إلا أن جهه عملى لم تعترف بهذا القرار بل على العكس بتسند لى أعمال أكتر من باقى زملائى , ده مش كده وبس ده أحيانا صغار الموظفين يتغيبوا وبيضطرونى أقوم بعملهم كمان دون محاسبه للمقصرين من صغار الموظفين . وجيه : طب لما معاك قرار عمل خفيف ليه مابيعملوش بيه ؟؟ جميل : علشان شكلى ويمكن علشان حاجه تانيه .. وجيه : شكلك ديت إحنا عارفينها طول عمرك حيطه واقفه مايبانش عليها المرض . جميل : يعنى يا دكتور عايزنى اتسند على الحيطان علشان يعرفو إنى عيان ,ده مش طبعى وضد كبريائى . وجيه : فهمت , لكن أنت بتقوم بالعمل الزايد ده مجبر , يعنى غصب عنك ؟؟ جميل : لأ محبه , وأنا فيه بينى وبين المدير علاقه محبه وموده فهو صديقى وأنا بأعتز بيه وهوه إنسان محترم وكمان علشان مايزعلوش منى زمايلى . وجيه : طيب فين المشكله مالأمور ماشيه كويس بناء على رضاك , فين المشكله بقى ؟؟ جميل :المشكله يا سيدى فى الإداره , يعنى الإداره لو عايزه تعمل حاجه أو عايزه تدينا جزاءات توفر على نفسها ده وتبعت لأحد المفتشين الأداريين علشان يفتش علينا ويدينا جزاءات ولما نكلم الأداره تعمل نفسها حمل وديع ومالهاش دخل بده . وجيه : إزاى يعنى مش فاهم ؟؟ جميل : أقولك , المدير متفق معانا كلنا إن دفتر الحضور الصبح هيتشال الساعه تسعه وربع والإنصراف الساعه واحده وكلنا ماشيين على ده . وجيه : كده كويس , فين المشكله ؟؟ جميل : اصبر عليا أنا جايلك فى الكلام ... وجيه : ماشى . جميل : ييجى عمك المفتش الإدارى الصبح الساعه تمانيه ونص ويشطب علينا بحجه مافيش إمضاء بعد تمانيه ونص . وجيه : خلاص , تيجو قبل تمانيه ونص علشان تضيعو الفرصه عليه . جميل : ده اللى عملناه وأنتظمنا على كده . وجيه : كويس , وبعدين ؟؟ جميل :جالنا فى الأنصراف يشطب على اللى مش لاقيهم بعد الساعه واحده ويكتب فينا مزكرات ناخد فيها جزى . وجيه : خلاص يبقى تنصرفوا الساعه أتنين علشان تضيعو عليه الفرصه . جميل : عملنا كده راح عمل مرور أثناء اليوم علشان يغيب الناس ويديها جزى . وجيه : طب أنت أيه اللى مزعلك فى القصه دى . جميل : اقول لك , يعنى عيب قوى لما يبقى التشطيب على ناس ناس وفيه ناس مايتشطبش عليها خالص وهيه مش منتظمه فى العمل وأصغر منينا سنا ودرجه .وجيه : آه قولتلى يعنى خيار وفاقوس . جميل : بالضبط كده وبعدين تحريت هو المفتش الإدارى ده ليه يوميا فى المستشفى ومن أمتى المفتش الإدارى يبقى كل يوم عندينا ويعمل مابداله , وعرفت من مصادر موثقه أنه بيعمل كده علشان يذود دخل صندوق الجزآت فى الإداره اللى بيطلعو بيه رحلات دينيه زى العمره وكده . وجيه : يا خبر , أوعى تكون قلت لهم كده ؟ جميل : ده اللى حصل فى إجتماع مع المديرين وفى وجود بقيه المهندسين قلت للمدير : المفتش الأدارى بيدى الجزاءات دى علشان يذود الفلوس فى صندوق الجزاءات علشان رحلات العمره وأحنا مالناش إعتراض على ده لكن إعتراضنا إنه لو عايز يدى جزاءات فيدى الناس المتسيبه اللى ما بتأديش عملها فعلا , مش يدى الناس الملتزمه والناس المتسيبه حمايه خاصه . وجيه : طبعا سابو الموضوع ومسكوا لك فى كلمه العمره اللى انت قلتها ! جميل : هو ده اللى حصل وعينك ماتشوف إلا النور : أنت متعصب , أنت عايز تعمل فتنه طائفيه , أحنا هنبلغ عنك . وجيه : أنت هتقول لى , ولعت طبعا ! جميل : أنا قلتلهم , إزاى طائفيه أنا باتكلم بوجه عام يعنى زى مافيه بعض الأقباط اتضررو من الجزاءات فيه بعض المسلمين اللى برضه انضروا وانا باتكلم عن الصالح العام . وجيه : آه بس أنت جبت سيره العمره وهنا أعتبروها إهانه . جميل : إهانه ليه , طب ماهما عارفين إن ده بيحصل و هنكدب على بعض يعنى , طب أيه رايك إن اللى قالى على حكايه إن فلوس الجزاءات دى بتتلم وتذهب فى موضوع العمره , صديق ليا موظف فى الإداره وهو مسلم الديانه . وجيه : آه هما عارفين , لكن أنت تقول , يفتح الله , المهم , هو يعنى المفتش الأدارى ده داخل فيكم شمال ليه , هو عزوه ولا حاجه . جميل : جيت لمربط الفرس , هو موظف عادى بدبلوم وزاكر وكمل بكالريوس فأنتقل من الأرشيف إلى رتبه التفتيش الإدارى فعلشان كده عنده إحساس بالنقص من المهندسين وعايز يطلع مركبات النقص عليهم , كمان له قريب عضو مجلس شورى بيستقوى بيه بالأضافه إلا انه بالرغم إنه مفتش إدارى إلا أنه عنده منصب فى الحزب الوطنى مستقوى بيه برضه . وجيه : مستقوى بالحزب ,آه , قلتلى . جميل : طب وأيه يعنى ما أنا عضو فى الحزب الوطنى بس عيبى إنى أربعه ريشه . وجيه :موضوعك بسيط ومافيهوش مشاكل ويتحل بالحكمه . جميل : ياعم إتحل إتحل ماتحلش عنه ماإتحل , شوف لى يا عم طلعه بره البلد دى . وجيه : قوم الأول أطمن عليك واشوف لك الضغط , أكيد مرتفع . وهنا سرحت بخاطرى لإمتى هنفضل محلك سر ولأمتى هنخرج بره المواضيع الأساسيه ونمسك فى مواضيع فرديه , وأمتى هنفوق وتبقى قوانين العمل ساريه على الكل وأمتى هنطلع من الخيبه اللى إحنا فيها , دى مابقتش خيبه بس , دى بقت خيبه بالويبه . د / وجيه رؤوف .

أغنيه ( المسيح ) للفنان الكبير عبد الحليم حافظ وكلمات الشاعر الكبير عبد الرحمن الأبنودى .

هوه دخول الجنه بالإيمان ولا بالبطاقه الشخصيه يا قضاه مصر ؟؟ بقلم دكتور وجيه رؤوف

أشياء غريبه نسمعها هذه الأيام وأحكام غريبه تخرج من القضاء المصرى , وللأسف لا تستطيع أن تحكم بصوره قاطعه على القضاء المصرى فالقضاء المصرى يحكم بناء على دفوع مقدمه من الإدعاء وطبعا يستند فى هذه الإدعاءات إلى الماده الثانيه فى الدستور مع أن الماده التانيه تخاطب المشرع ولا تخاطب القاضى , خلاصه القول أن هناك بعض الأحكام العادله مثل الحكم الواضح فى قضيه مقتل شابين فى حجازه فهو حكم رادع وعادل , ولكن هناك بعض الأحكام التى تصيبك بالغصه وأنت تسمعها ولا أريد أن أعيد وأزيد فى أحكام سابقه على مر التاريخ المصرى ولكنى سأضع فوكس العدسه أى مركزها على الحكم الآخير فى قضيه ماريو وأندرو , فهذه القضيه تمثل لطمه فى جبين العداله المصريه وفى جبين مبادىء قانون حقوق الأنسان الدولى والذى وقعت مصر عليه بالموافقه , ولكن يبدوا أن الدوله تسير فى إتجاه والقضاء يصير فى إتجاه آخر , فمصر وعلى لسان الدكتور مفيد شهاب الدين هى الدوله التى تسير على مبادىء حقوق الأنسان الدوليه ويمكنك أن تحسبها دوله من دول أوروبا أما إذا حكمت على مصر من خلال مبادىء حقوق الأنسان الفعليه والتى يأخذ بها قضائنا المصرى فإنك سوف تحسب نفسك فى دوله مصرستان المجاوره لكراخستان والمتحالفه مع طالبان فى دوله أفغانستان , أيوه كده فأنا أشوف كلام الدكتور مفيد أصدقه اشوف أحوال البلد أستعجب !!!! والغريبه أن مصر تتسبب فى تشويه صورتها امام العالم دون فائده ففى الوقت الذى ترسل الوفود إلى جميع دول العالم لتبييض وجهها تأتى بتصرفات صغيره تافهه تشوه وجهها أمام العالم مع أن هذا التصرف لن يفيدها على المدى البعيد وذلك لأنها مشكله محلوله وتلك الأحكام لن يكون لها أيه فائده مستقبلا لأنها محلوله من الآن , كيف ؟؟ قضيه ماريو واندرو قضيه واضحه لا لبس فيها فقصتهم بطريقه مبسطه هى أن السيد مدحت والدهما قد أرتبط بزواج مسيحى شرعى موثق بالكنيسه القبطيه التى تؤمن بشريعه الزوجه الواحده , وطبعا فى الحاله دى فالسيد مدحت مسيحى والسيده كاميليا والدتهم مسيحيه وقد أنجبا كلاهما عده أولاد كان آخرهما التوأم ماريو واندروا وقد اسمياهما أسماء مسيحيه كما هو واضح , وكبر الولدان ولكن يبدو ان الحال بين الأستاذه كاميليا والأستاذ مدحت لم يسير على خير وأختلفا فيما بينهم وأرادا الأفتراق ولكن للأسف لاتسمح الظروف فى الكنيسه القبطيه للسماح للسيد مدحت بالزواج فى وجود زوجه , وإن كان هذا هو السبب الوحيد أو أنه هناك أسباب أخرى لجأ السيد مدحت لتغيير ديانته إلى الإسلام , وهنا ليست لنا أى ملحوظه على تلك النقطه فنحن نحترم حريه العقيده والكنيسه المصريه لا تجبر أحدا على البقاء بها مالم يكن مؤمنا بها , وصلنا لغايه هنا كويس , المهم بعد كده عدل السيد مدحت عن إسلامه ورجع إلى المسيحيه لأسباب لا نعلمها , ثم بعد ذلك عاد ثانيه من المسيحيه إلى الإسلام !! , ماعلينا , ماشى , المهم بعد كده طالب السيد مدحت القضاء بتغيير شهادات ميلاده الأطفال إلى الديانه الأسلاميه وتم له هذا فى لمح البصر , ومن ثم ذهب الأطفال إلى المدرسه منذ عامين ليجدا أنفسهم أمام أمتحان للديانه الأسلاميه دون سابق إنزار !! المهم الأولاد ما أمتحنوش وكتبوا على صفحه ورقه الإمتحان : إحنا مسيحيين !! وبعد كده رفعت السيده كاميليا عده قضايا لإثبات الديانه المسيحيه لأولادها فى الآوراق الثبوتيه لإنهم ولدوا مسيحيين ولا يريدوا تغيير ديانتهم بالإضافه إلى أن إيمانهم قوى بالمسيحيه ويخدموا كشمامسه بالكنيسه !!! ولكن وبعد أن وصل سن ماريو وأندرو إلى الخامسه عشره الآن تحكم محكمه القضاء الأدارى بإثبات الديانه الأسلاميه بأوراقهم الثبوتيه بإدعاء انهم ينتمون إلى ديانه والدهم !!! طب فين إحترام إراده هؤلاء ومايريدون من ديانه ولا هيه فيلم سينمائى إن ماكنش أمريكانى يبقى عربى والسلام ؟؟!! وفين إحترام الآدميه وحريه الفكر وحريه الأقتناع اللى بنؤمن بيها !! وفين : من شاء فليؤمن ومن شاء فليكفر ؟؟ ومن أمتى دخول الجنه بقى بالعافيه وبالأوراق الثبوتيه دون النظر إلى داخل الإنسان ومكنوناته وإيمانه الحقيقى ؟؟!! الحقيقه أنا باستغرب , فالديانه الإسلاميه واسعه الأنتشار ولن ينقصها هذا التوأم قدرها ولن ينقصها او يزيدها فردا تنصر أو فردا تأسلم , ولكن مايؤثر على سمعه هذه الأمه مايصدر عن أحكام ليست لها فائده لأننى كما قلت محلوله مسبقا , إزاى بقى ؟؟ بعد سنه أو أكثر سيصل سن ماريو وأندرو إلى سن الرشد الذى يعطيهم الحق فى إختيار الديانه التى يريدونها وحينها سيختاروا مايؤمنو به حقيقه , فماذا سيستفيد إذا القضاء من تلك المهاترات والفضائح التى تصورها تلك الأحكام الهزيله فى مفعولها والتى تسىء لصوره مصر أمام العالم !! هل نعقل ما يبدر منا ؟؟ وهل يظن قضاه مصر أننا نسكن القريه الخفيه التى لا يراها العالم ؟؟!!, نحن اليوم فى زمن العولمه وآيه نسمه هواء تعصف فى أى مكان يكون لها مدلولها ورده فعلها على مستوى العالم , أعتقد على حكومه مصر وبرلمانها وضع تشريعات جديده تضمن حريه الفكر وحريه الإعتقاد ووضع قوانين أخرى تناهض التمييز ولابد علينا فى مصر أن نكون سباقين لإصدار هذه التشريعات حتى لا نفاجأ بصدور تشريعات فى الدول الأجنبيه تحد من حريات المصريين هناك , مصر أولا. د / وجيه رؤوف

أنا اللى صلبته بأيديا - ترنيمه مؤثره