نانسى عجرم وحكم مصر بقلم الدكتور وجيه رؤوف

نانسى عجرم و حكم مصر كثيرا ما تؤدى النقاشات السياسيه ألى رفع ضغط الدم خصوصا اذا تواجد هذا النقاش فى وسط مجموعه من ذوى الاراء المختلفه أوالمتشدده او الذين يبدون رأيا ويرفضون الرأى الأخر وكثيرا ما يصبح الوضع صعبا أذا كنت من اتباع الحزب الوطنى فتواجه بعاصفه انك السبب فى كل شىء سىء على الارض وحتى من الممكن ان تكون السبب فى اعصار تسونامى وحتى حينما اوضح أننى وان كنت داخل الحزب ولكنى اتبع سياسه المعارضه المهذبه فهذا لا يشفع لى ولذلك فضلت فى الفتره الأخيره أن أستمع اكثر و اتكلم اقل , وهذا اليوم جمعتنى صحبه مع بعض من هؤلاء ودار هذا النقاش وكنت مستمعا : عبد المتجلى يخاطب السيد معتمد فى وجود الأخ جميل : عبد المتجلى : ياسلام يا معتمد أنت بتعتبر المجموعه دى اللى بتدعى تبنيها للدين فى سياستها مختلفه !! مختلفه أذاى أذا كان أحد أعضائها قلع ألجزمه فى البرلمان ده تصرف رجل المفروض عليه انه يمثل حزب دينى ؟؟ أمال مختلفيين أذاى ؟؟ معتمد : يا سلام وأيه يعنى لما يقلع الجزمه أنت لو كنت مكانه كنت هتعمل كده و أكتر من كده !! هو اللى حاصل فى البلد ده شويه ؟ عبد المتجلى : لأ مايحصلش كده كونه بيمثل حزب دينى يبقى لازم تصرفاته تبقى مختلفه ومقننه بتعاليم صحيح الدين , لكن لو تصرفاته بقت ذى باقى الخلق يبقى أيه الفرق ؟؟ معتمد : لا معلش ماهو انسان برضه والأنسان ممكن يخطىء , هو مش معصوم عبد المتجلى : خلاص بقى طالما الكل مش مختلف أنا اديه صوتى ليه لتولى ألحكم ؟ معتمد : تديه هو أحسن ماتدى اى حد من الحزب اللى كاتم على نفسنا جميل : ما علش يا معتمد هو الواحد قبل مايقعد على الكرسى بتكون له رؤيا لكن بعد الوصول للحكم فيه حسابات تانيه بتخلى أى فكر يتغير بناء على المصالح والحسابات الداخليه والخارجيه معتمد : أذاى يعنى ؟؟ المبادىء لا تتغير جميل : لأ بتتغير والدليل على كده جمال عبد الناصر اللى كان مفروض انه من ضمن المجموعه ديه لكن لما مسك الحكم اتغيرت الصوره وانقلبوا على بعض ونفس اللى حصل ده حصل مع ألسادات معتمد : أنت عايز تقول أيه ؟؟ أنا عندى يجيبوا أى واحد من الجماعه المتدينين دول اللى يعرفوا ربنا ولا يجيبوا واحد من الحزب ده عبد المتجلى : حكايه يعرفوا ربنا ديه فيها قولان معتمد : عايز تقول ايه ؟؟ عبد المتجلى : هاريحك واقولها لك يجيبو اى حد يحكمنا من خارج الحزب انشاءالله يجيبوا نانسى عجرم تحكمنا جميل : نانسى عجرم !! أنت بتقول أيه ؟؟ عبد المتجلى : ايوه نانسى عجرم مش باهرج أو اى حد غيرها انما مايكونش من الحزب اللى طابق على نفسنا . وهنا لم أتمالك نفسى من التعليق وقلت لهم وايش دراكم ان نانسى عجرم هتريحنا ده ممكن حاجات كتير وقرارات كتير تصدر منها تتعبنا ولو سالناها ليه كده هتقول : مافيش حاجه تيجى كده انسى حبيبى كده وارجع زى زمان وبرضه ممكن هيفاء وهبى تمسك الحكم وتصدر احكام صعبه ولو احتجينا أو أعترضنا تقول لنا : بوس ألواوا عموما الفت النظر فى هذه المحادثه الطويله التى لم تخلو من فكاهه الى حاجه الشعب لنزول أعضاء الحزب الحاكم اليه وعقد ندوات دائمه له تشرح وتفند وتقبل الرأى و الرأى ألاخر أما كون مؤتمرات الحزب الوطنى تعقد لاعضائه فقط فهذا لن يفيد القاعده العريضه من الشعب لابد ان يلتفت الحزب الوطنى ألى رجل الشارع والرجل البسيط الذى لايجيد القراءه والكتابه فهذه الفئات من البسطاء من الممكن الوصول اليهم من أطراف ثانيه ومن الممكن التاثير عليهم ليصيروا طابورا خامسا وسط الجماهير لخطوره هذا ألامر وجب التنويه د / وجيه رؤوف