حقوقنا فين
حقوق ولادك راحت فين يابلد ؟
إحنا عايشين فيكى من ولِد الولد ؟؟
شربنا من نيلك وآتمرغنا فى ترابك
متنا فى حروبك وراح منا مليون ولد
ليه دلوقتى بتفرطى فى ولادك
مش دول اللى حاربوا عشانك
فتحوا صدورهم للنار فداكى
ترابك مش ممكن يهون علينا
دا آحنا اللى هُـنّـا عليكى
فيها ايه لو كنيسة للصلاه تتبنى
مش أحسن من ملهى يلهينى
بكرة التاريخ يكتب ويقول
انك فرطتى في البنين للغول
ونام العدل وسيفه تحت حجرك
يطلع لمظلوم يترجى عدلك
إيه ذنب الولاد اللى ماتو في مراغه
تحت التراب أجسادهم نايمه تعبانه
كله عشان تصريح لبنا كنيسة
قدّمتّ وحيطانها بقت هريسه
اكتب ياتاريخ واصرخ وقول
أقباطك يامصر بقوا نغول
من حقى كنيسة أصلى فيها
من غير تصريح أبني واعليّها
هى المساجد بتصاريح تبنيها
ارفعى العدل وخليه شعارك
خلى الناس تمتع بنهارك
بقلم : نشأت عدلى
الحياة فى الوطن مش مجرد كلمة ولا صرخة،الحياة لازم تكون فيها فرحة بس للأسف راحت مع اول طرحة من الأسهم المغروزة فى القلب ياريت الوطن ده كان كتاب مفتوح كنت سعتها اكتب فيه المطلوب وياريت كان قلم كنت كتبت بيه ايه هو الألم وياريت كان رسالة كنت بعتها وشرحت فيها الحالة لكن للأسف عقله وقلبه خلاص وبقى صوتى رنان لكن ياخسارة بقى القلب والعقل من الحجر الصوان ....
ردحذفساراى