وبتسأل ياسيسى بطلتوا تحلموا ليه؟
تكونش انت يا سيسى اللهو الخفى
دا من يومك يا سيسى والشعب بيتلهى
فى السجن والعذاب والخطف والغياب
وأنت يا سيسى عامل بتستحى
دا دموع الأمهات منك بتشتكى
وبتسأل ياسيسى بطلتوا تحلموا ليه؟
دا انت حرمتها فى اليقظة والمنام
وعمايلك فاقت الشياطين اللئام
غير خطف البنات ، دا عند الله حرام
وفى النهاية بتقول إنك خير الأنام
وبتسأل ياسيسى بطلتوا تحلموا ليه؟
وأنا بأسألك يا سيسى
أوغسطينوس خفيته ليه وشريف جابر كان عمل إيه
رضوى غلطت فى الكلام تتأدب ، لكن تتسجن ليه
ريجينى الضيف على مصر ، قتلتوه، طيب ليه
وائل كيرلس بتقول عليه إخوان ، طب مارباش دقنه ليه
وبتسأل يا سيسى بطلتوا ، تحلمو ليه
دانت سممت الحياه ، والفرحه فى المحياه
سجنت الدموع بالحزن فى المقلاة
فسدت أخلاق الشعب وصعبت مجريات الحياة
بنيت لنفسك قصور والناس بتتمنى شربة مياه
دا عمر الإنسان محسوم ومحدود المعالم
وانت عملك ياسيسى كله بادى بالمظالم
فوق لنفسك قوم ، دا صاحب الحق قايم
ومسيرها هاتتعدل وأنت يا سيسى فى العسل نايم
ليست هناك تعليقات:
إرسال تعليق