...
باحبك يابلدى
**********
باحبك يابلدى ياأغلى البلاد
يافارده جناحك لكل العباد
محمد وجرجس ومارى وسعاد
وعيد الضحيه وعيد الميلاد
*********
باحبك يابلدى وحبك حلال
باشوف الصليب وجانبه الهلال
واسمع صلاتك كنيسه وادان
وصوتك يجلجل يهز المكان
************
باحبك يابلدى بطول الزمان
وأحلف اصونك فى كل مكان
وبإنجيل عم متى وسور القران
حتعلى بلدنا وصوت الادان
وجرس الكنيسه هيعلى كمان
**************
باحبك يابلدى ف ليالى رمضان
واحبك كمان فى عيد الغطاس
ومهما هيبعد بيا المكان
شايلك ياغاليه ع العين والراس
***********
احبك يابلدى فى سيدنا الحسين
واحبك كمان فى عدرا الزتون
وباسمع نداكى فى صلا التراويح
محمد رسول وعيسى المسيح
رسالة محبه لكل العباد
رسالة محبه لكل العباد
************
**********
ليست هناك تعليقات:
إرسال تعليق