_____________________
(( معدتش اقول اه تانى ))
معدتش هقول اه تانى اصل الاه معادتش تنفع
ولا فى الرزق حيــــله ولا فى الموت من يشفع
وضرب النار فى الميت حرام مع انه عمره ما بيوجع
هتحمل الالامى وهسكت ولو الكلام جوه العين بيدمع
مش هقول اه تانى ولو غرقان فى احزانى هرفع راسى وكفايه ان عايش
كفـــــايه اللى حصلــــــــى من ليـبيا وعجزى فى العراق قدام داعش
فى بلدى بعــــافر واكافـــــح واناضــــــل ولو مش قادر على المعايش
بكمل عشاى بنومى ومهما كان صعب يومى على وشى تظهر بشايش
مش هقول اه تانى انا اللى الاه قيلانى وولدانى من بطن امى فرحت وقالت ولد
وضهر ابويــــــا شايلنى ومحمــــــــل بيا حمــــــول تقلت فى عيشه على الكد
وجدى دا الاساس اتحمـــــــل وكـــــان صابر ومكمــــل لغـــــايه ما بنالى السد
هصبر كمـــــــــان شويتين واشد حزامى على وسطى ولا انى امد ايـــدى لحد
اعزرنى ياريس لـــــــو يــــــوم طلعت صرخاتى الاه
لانى انا اللى اتسحلت بسم الله واتقتلت بسم الله
واتهدمـــــت كنيستى وكانها مش بيـــــــــــت الله
ولمـــــــــا الوطن نــــــدا انا اللـــــى لبيـــــت نداه
اعزرنى ياريس لــو صرخت من تانى بصرخات عاليه
لان العدل غاب وبتعامل على انى مواطن درجه تانيه
وتلــف سواقى الظلم عليا لكن مفيش ميه طالــــعه
انا عمرى ما تكلمت على دينكم بسؤ لكن القضيه هى اللى طاغيه
ياريس انا عاهدتك انى مش هقــــول اه تانى وانا على عهدى
لكن هرفع للسما ايدى وهصلى عشانك ذى ما كتابى علمنى
ربنا يديك حكمه ويسدد خطاك ويحميك ويحمى بيك بلــــدى
لكن لنا اجى ابنى كنيستى ارجوك قولهم انه دا من حقــــى
يا بلادى بحبك وطول عمرك فى عينى غاليه ومحبوبه
حتى لو جار زمان الغدر وعلى امرك صبحتى مغلــــوبه
عدت سنين الظلم عليكى وفيكى كانت الصرخه مكتومه
وجايه سنين فرحه وفى حبك اكتب قصايد كل معانيها
ليست هناك تعليقات:
إرسال تعليق