با حبك يا صاحبى . كلمات دكتور وجيه رؤوف

باحبك  يا صاحبى   
أه يا صاحبى لو تعرف    أنا باحبك قد أيه
وعارف مهما قلتلك مش هتصدق مش عارف ليه
باحبك يا صاحبى ولو إختلفنا
باحبك يا صاحبى ولو أتفرقنا
باحبك ياصاحبى ولو أتفتنا
باحبك يا صاحبى ولو قالو ماقالوا
ولو حاولو دايما مابيننا ينالو
ولو قالوا عليك ماقالو
برضه انت صاحبى
باحبك يا صاحبى
ياصاحبى ماهيش مسأله ديانه
ولا انت بتصلى ولاعلشان أنت  آيه
باحبك ياصاحبى علشان أنت منى
ده انت ابن وطنى وحته منى
ولو شىء أصابك قلبى يحزننى
باحبك  ياصاحبى
تروح الكنيسه أو تروح الجامع
ده بينك وبين ربك  هوه إللى سامع
لكن على  الارض أنا وانت والحب جامع
باحبك ياصاحبى
باحبك يا صاحبى لو تصدق
ومهما أختلفنا  ومهما تدقق
حتلاقينى ملازمك ودايما فى قربك
أجرى عليك لو طيره تضرك
باحبك يا صاحبى
أمانه عليك يا صاحبى
بلدنا جميله
وكمان أصيله
وكمان أمينه
وكمان  عظيمه
أيدك فى إيدى يا صاحبى نصونها
نحافظ عليها  نعينها مانخونها
ونبعد عنها شر عدوينها
با حبك يا صاحبى
باحبك يا صاحبى باسم الوطن
وطننا عظيم وعدى المحن
وكم من عدو طغى واتهزم
باحبك يا صاحبى
باحبك يا صاحبى باٍسم الأله
واحد كلنا ما نعبد سواه
على الأرض تشرق شمسه فى سماه
وبالليل يفرش علينا بسلامه غطاه
باحبك  يا صاحبى
باحبك يا صاحبى ومش هاسيبك
ومهما حاولو يسيئوا لدينك
هاكون دايما معاك
نصيرك معينك
باحبك يا صاحبى

كلمات فى حب مصر ( نصره مصر ) . للدكتور وجيه رؤوف

كلمات فى حب مصر
(نصره مصر )
طول عمرى عايش يا مصر فى خيرك
لا فى يوم سبتك ولا رحت  لغيرك
عايش مستور وشاكر ربنا , كتر خيرك
ولوكنت مهموم كفايه نظره على نيلك
يعدى اليوم, تعدى السنه دفيان بشمسك
ولو فى يوم  ضلمت, هاستنى فى يوم فجرك
عصور الظلم يا مصر يا مادارت فى ديارك
فرس ومغول وتتار وعمر العدو ما  هزمك
وكل ملك ظالم حكم  ,قتل شبابك, نهبك
كانوا فاكرينها نهايتك لكنها كانت بدايتك
قدرك فى السما محفوظ  لايمكن ينطفى نجمك
هانوكى,عروكى,سحلوكى لكن ما ملكوا عزمك
قلبك على اولادك وبتنوحى وبتنزفى من قلبك
عمرك يا مصر مانسيتى دم الشهيد على أرضك
يروح زمان ييجى زمان ,تاخدى تار من حبك
آه يا مصر يا قويه يا شايله الحمل مين قدك
دول قويه ,دول عفيه تلف عليكى وتحايلك
بفلوسها بغازها بسلاحها تحتال عليكى وتغازلك
أه عليك يا عروسه يا فتيه يا شايله العفه فى جبينك
كنوز الدنيا تحتيكى وتاج العز أكليلك
أملنا فيكى يا مصر كبير تقومى تحاسبى من خانك
تاخديلنا بتار شبابك  وتحاسبى كل من ظلمك
أمانه عليكى يا اما ماتبكى ولا تزيدى من همك
شمس النهاربكره تنورنا ,تهنينا وتسعدنا بنصرك
تفرح أرواح شهدائنا  ومن سابع سما تدعيلك
منصوره دايما يا مصر وتاج النصر أكليلك
د/ وجيه رؤوف