مش شبهنا
مش شبهنا الكدابين ، مش شبهنا
إللى ليهم ألف وش وألف دين ، مش شبهنا
مش شبهنا المغرورين ، مش شبهنا
إللى على الناس مستكبرين ، مش شبهنا
مش شبهنا الملاوعين ،مش شبهنا
إللى بيجروا فى ألف حارة وألف عين ، مش شبهنا
إللى بيظهروا طيبين وبقلبهم حقد دفين . مش شبهنا
إللى فى الوش محبين وفى القفا متآمرين ، مش شبهنا
إللى بيوعظوا فى الدين وهم لوصايا الله كاسرين ، مش شبهنا
إللى بيشوهو الآخرين ، ومن وراك معاهم متصاحبين ، مش شبهنا
إللى بعطرهم بيداروا فحشهم ، وبضحكهم بيخفوا مكرهم اللعين ، مش شبهنا
إللى تسمع كلامهم تصدقهم ،ولما تشوف أعمالهم ، ياااه على الكدابين
مش شبهنا
إبعد عنهم وإعتزل ، دول مش نافعين لا فى دنيا ولا فى دين
لإنهم مش شبهنا
